內地富婆取消關注馬賽 仲話:Cash is King!

內地富婆取消關注馬賽 仲話:Cash is King!

By:

星期六, 十一月 9th, 2013


現年26歲嘅08年港姐季軍馬賽,忽然驚爆有TB新歡,女方仲係背景複雜嘅內地女製片汪子琦,曾經係郭可盈經理人,被指涉勒索入獄。如今兩人關係斷正,汪之正印密友兼內地姓李富婆Laura決定退出。話就話同汪子琦斬纜,其實又唔係喎。

今年八月,馬賽、汪子琦同正印Laura三人行歐遊,有傳今次仲係Laura俾錢,大拿拿成四十幾萬,出手極豪。而Laura亦因為此行同馬賽熟絡咗,唔止做咗朋友、搭膊頭影相,仲喺微博關注馬賽BB。由周一有雜誌報道此事時,Laura仍有關注馬賽,因為當時報道只刊出歐遊相片;至周三有埋兩女上海攬啜相同片,Laura妒火中燒,取消關注;但係呢,就冇取消到對汪子琦嘅關注。就連今年7月,冧女功夫一流嘅汪子琦於微博貼圖,貼上佢同Laura多張sweet sweet相,並寫道:「大小姐,祝你生日快樂!願每一天愛我更多一點。」呢張相,Laura當時回應謂:「心想事成!!」呢張圖依然留喺Laura個微博上。而今年三月,馬賽BB同Laura於無綫活動上嘅合照,亦未刪除。

可圈可點嘅係,Laura於微博上,自我介紹一欄,寫上「Cash is King!」咦,咁似超雲同山聰情變後,「Love=Money」呢句金句嘅?

comments