佳文共賞 黃婉曼千字文分析: 無綫霸權難以改變

佳文共賞 黃婉曼千字文分析: 無綫霸權難以改變

By:

星期四, 十月 17th, 2013


一場免費電視牌照之爭,政府唔發牌畀王維基的HKTV,全城憤怒,藝人大多力撐電視業應百花齊放,不過亦有好似羅鈞滿咁,覺得王維基唔應該將佢嘅「商業失敗」同「公義」拉上關係。

前無綫天氣女郎,依家喺now做緊嘅黃婉曼,佢並冇因為now嘅「香港電視娛樂」拎到牌照喺度講風涼話,反而以過來人嘅身份喺網上平台發表咗一篇好長嘅文,分析收費同免費電視內部運作上有咩唔同,分析得幾好o架!

黃婉曼喺無綫時,以活潑形式報天氣引起注意,但原來呢個決定一啲都唔容易,佢話:「以往天氣報告在雨天時,會說『初時有微雨』,但從來不說清『初時』是幾時?到底是凌晨或早上?這並不明確,所以還是跟從天文台的說法最穩陣;分享冷知識,受天氣影響,去日本觀賞不到櫻花,原來有保險買,但觀眾又會否覺得太無關?總是有些憂慮,改革還是有所保留。

「但節目出街後,觀眾的反應完全意想不到,比如,報道時加多些笑容,竟然引來聲討,不少人認為天氣報道應該是正兒八經的,太多表情手勢便是造作,也有觀眾要求回復舊有模式;我們撰稿時花盡心思想加入更多資訊,例如新年期間,南方工人回鄉過年,便在天氣報告中提醒大霧造成了交通擠塞,卻被一些觀眾在網站留言說,覺得這是多餘。

「改革初期,壓力之大令我每晚失眠,原來當觀眾習慣某一種節目模式太久,即使是輕微的改變也不易接受。改革希望令人耳目一新,談何容易,改從何變起?」

但雖然咁講,當時黃婉曼主持天氣報告,都令節目收視升咗幾點。

而講到收費now,就完全係兩個世界,佢話:「免費電視因為『免費』,加上沒有競爭,不愁收視,但收費電視is a different story。

在資訊發達、製作令人目不暇給的今天,免費資訊都已看不完,觀眾自然要問:為何要付錢看你?

收費電視要找到自己的市占(佔)率,要創作有別與(於)免費電視且真材實料的自家節目,才能令消費者心甘情願,每個月真金白銀給幾百元出來交台費。若有一刻鬆懈,人家可以隨時同你Say goodbye。所以收費電視人的警覺性高,節目也力求夠進取,有創意。」

好似早前《撳錢》以新形式同觀眾互動玩遊戲,now仲投放成千萬賣廣告,開始時每晚觀眾升幅近萬人,算是十分成功,不過後來佢話:「可惜《撳錢》在免費試玩期結束之後,即使每晚有十萬獎金,但大多香港人已習慣不付費看電視的模式。55元的月費,令觀眾數目急減十倍,很多觀眾只知其名卻也未能觀賞,種種限制,令一種創新模式的節目,未能進一步的推廣。」

其實55蚊一個月,話多唔多,倒不如話,TVB已經成功養出一班只睇固有模式嘅觀眾,一個霸權的誕生,其實都有賴一班養肥佢嘅觀眾。

comments