余詠珊唔畀接Job 樂易玲冇符「星夢幫」見財化水

余詠珊唔畀接Job 樂易玲冇符「星夢幫」見財化水

By:

星期五, 十月 11th, 2013

《星夢傳奇》幫咗唔少無綫四五線藝員上位,人紅搵錢就易,好多商場Show可以接,但呢班「星夢幫」就唔係咁喇,皆因今日有報道話早前無綫非戲劇組總監余詠珊下令一班「星夢幫」嘅藝人喺比賽期間唔可以接TVB以外嘅工作,話係想佢地專心比賽咁話。

藝員部阿頭樂易玲梗係唔順氣啦,不過余詠珊有總經理李寶安撐腰,完全冇晒符,唯有谷住道氣。其實余詠珊去年返無綫後就動作多多,同樂易玲已經有牙齒印,好似佢回歸頭炮節目《玩轉三周1/2》,要請紅嘅藝員入去好似陳豪同胡杏兒等等,玩殘為紅星度期嘅藝員部,即係樂易玲個部門。

依家咁樣畀余詠珊搞一搞,「星夢幫」一班藝人好似鄭俊弘、羅鈞滿同姚兵都因為要「專心比賽」,所以少咗好多搵錢機會,但公司出到聲佢哋都冇辦法,最後反而益咗陳明恩呢個冇簽無綫嘅「非親生女」,佢直言近期係入行以嚟最忙嘅時期添。

comments