仙樂谷爆胸

仙樂谷爆胸

By:

星期二, 十月 8th, 2013

仙樂都、王璐瑤及趙哲妤,噚晚喺中環出席17屆國際旅遊小姐全球大賽香港區選舉活動,三女各出奇謀搶鏡。

雖然略有秋意,但仙樂都及王璐瑤仍然開行Turbo性感上陣,仙樂都以性感谷胸裝示人,真係谷得好勁,爆咁滯;而王璐瑤雖身穿橙色tube dress出席,不過竟然「拉鏈未到站」,背脊仲有啲一撻撻咁,認真失策;而趙哲妤塊面就膠膠哋,搞到笑容又有啲硬硬哋囉﹗

仙樂都受訪時表示早前去瑞士旅行,佢自爆喺當地嘅奇怪遭遇:「我拎住個地圖去問路,啲背包客個個勁驚行開,原來有人會扮問路打劫,自己都好彩冇遇過。」

講到近日熱爆全城嘅被摑港男,仙樂都就指片段太多角度,唔知道真假,佢曾被燥底男友用門夾腳;至於王璐瑤亦有留意此事:「咁惡嘅女仔好極端,唔代表香港所有女仔都係咁,我都試過因為做Model條裙太短,被初戀男友撕裙同叉頸。」講到佢條裙「拉鏈未到站」,係咪上圍太勁所致,王璐瑤笑謂:「可能係啦。」

comments