今晚政總上演港版《半澤》 張松枝真係做渡真利!?

今晚政總上演港版《半澤》 張松枝真係做渡真利!?

By:

星期四, 十月 24th, 2013


HKTV新晉編劇莊婉萍,早前一篇開於港視嘅文章網上瘋傳,每個人得知HKTV內部員工都懷抱住理想,而老闆王維基又真係給予佢哋呢個空間,都不無感動。

而自從20號大遊行之後,HKTV一班員工一直留守喺政總,每一晚佢哋都請咗唔同嘅人上台分享,務求令呢個戰場可以一直延伸落去,向政府施壓交代不發牌給HKTV嘅原因。

而莊婉萍今日就喺FB繼續直擊政總情況,佢仲預告今晚政總會上演港版《半澤直樹》!佢話:「直擊現場排戲實況!今晚有《半澤直樹》香港版,記得捧場!!」而張相入面,竟然係一直話同《半澤》入面嘅渡真利忍好相似嘅張松枝!仲有俾網民「相中」做FINAL BOSS大和田嘅老戲骨郭鋒!如果有埋「排長」戴耀明做嘅近藤,就真係完美喇!

comments