不滿失實報道 黃日華鬧爆:低能劣招

不滿失實報道 黃日華鬧爆:低能劣招

By:

星期三, 十月 23rd, 2013


香港電視不獲政府發牌,唔少港視嘅工作人員同藝員都受到影響。港視藝人黃日華曾講過話好擔心同樣係港視藝員嘅囡囡黃芷晴。

近日有報道話TVB對「回收」叛將有所保留,仲話黃日華肯定無望,該報道又話無綫製作資源部總監樂易玲,會唔會對黃芷晴有興趣?樂易玲回應:「邊個嚟0架?我未見過,亦唔認識佢!」

黃日華見到呢篇報道後就嬲到震,佢喺微博到話:「動盪時刻,唯恐天下不亂!抄作抹黑,低能劣招!傳媒請自重、尊重!PS:唔好攪嬲我!」仲加咗好多個嬲樣嘅符號0添。

而黃芷晴見到爸爸咁激動就喺微博到回覆爸爸話:「冷靜冷靜!不用擔心我啦!」之後黃日華再回覆芷晴:「我對你絕對放心!Love U !」芷晴之後就好輕鬆咁話:「哈哈哈thx, 話時話件西裝幾靚!」

過咗一陣,黃芷晴喺微博再貼靚相兼留言:「謝謝大家,我沒有擔心,更不用擔心我,最近都在兼顧演藝和設計兩方面的工作,十一月初會出席活動,有三個院校的市集要參加,也在籌備和擴展我的online shop!忙得連朋友都約不到,新聞謠言是影響不到我的,不用擔心我這個small potato,要擔心就擔心香港整個創意工業吧!我繼續支持各位用心奮鬥的朋友!」

comments