【電視風雲】廖啟智對政府感極度失望:冇咗信任基礎

【電視風雲】廖啟智對政府感極度失望:冇咗信任基礎

By:

星期二, 十月 22nd, 2013


身為香港電視部頭合約藝員嘅廖啟智,今晚同太太陳敏兒現身政總集會,表達對政府不發牌予港視嘅不滿,現場亦播放佢同林嘉華有份主演嘅《警界線》短片。

智叔受訪時坦言,對政府極度失望:「我係簡單嘅人冇訴求,只想同大眾分享拍《警界線》嘅過程同工作點滴,畀大家市民了解我哋嘅工作性質。」

問佢覺唔覺得政府係黑箱作業?智叔話:「總之係箱作業,唔理黑箱、白箱、黃箱、紅箱,0依家公唔公開原因都冇乜用,冇咗信任基礎,自己只係普通市民。」

對於噚晚有12萬人上街力撐,今晚亦有大批市民到政總聲援,智叔話:「香港成日都有感動場面。」

問到佢有冇同王維基聯絡?智叔話:「相信佢呢兩日好忙,佢應該會睇電視,會有人話反應畀佢知。」

comments