【王菲離婚】每日叩頭過千次 王菲真係出家?

【王菲離婚】每日叩頭過千次 王菲真係出家?

By:

星期二, 九月 17th, 2013

王菲同李亞鵬離婚,轟動全城,但更令人關心嘅係,連日來都傳出篤信佛教嘅王菲想出家,講到似層層,雖然西藏薩迦寺方面已經話係炒作,不過有關傳言依然未能平息。

今日又有報道再次話王菲因為心淡出家,不過地點再唔係西藏薩迦寺,而係王菲一向搵開嘅印度第十七世大寶法王噶瑪巴,報道話王菲今年初已經有出家念頭,而大寶法王就要佢3個月內完成十萬次三跪九叩,考驗佢出家嘅決心。咁樣計法,即係每日王菲要叩頭過千次,實情係點就冇人知,不過上個月王菲去西藏朝聖,確係放咗張額頭瘀咗小小嘅相上微博,的確似係叩咗好多次頭。

不過王菲有兩個女,童童都未算可以自立,李嫣雖然係交俾李亞鵬照顧,不過王菲真係可以拋低兩個女遁入空門?

comments