【王菲離婚】早已夫妻緣盡 菲鵬2010年約定 三年後離婚?

【王菲離婚】早已夫妻緣盡 菲鵬2010年約定 三年後離婚?

By:

星期一, 九月 16th, 2013

貧嘴之人,好多好多,有個叫做宋祖德,佢嘅「惡言」同「賤嘴」本色,唔使多作介紹。另外仲有個號稱作家/悲情詩人嘅人物,叫做劉信達。點解會講佢?因為,原來佢係神人嚟0架。

早於2010年3月,有人將呢位神人嘅預言,放咗上天涯論壇,佢話收到風,王菲同李亞鵬嘅婚姻確實出現危機,但遲遲未處理。依家(講緊嘅係三年前)兩人相約採取「同一屋簷下,分房而臥之」嘅政策,咁做都係為咗嫣兒著想喎。

呢位劉信達三年前已經話,王菲與李亞鵬約定0,三年後先至正式離婚,如果三年時間經濟危機度過(即講緊李亞鵬投資失利一事),王菲復出賺得足夠嘅錢(還債?),兩人感情又未完全破裂,咁離婚計劃就取消。劉信達仲話,李亞鵬一家平均每年支出不在2000萬人民幣之下。

劉信達同宋祖德一樣,成日出言不遜得罪人,口氣又大,亂講嘢吹水唔抹嘴,但又竟然俾佢講中咗、菲鵬真係三年後離婚,大家都改口嗌佢「神人」,誇其有先見之明。不過,如果佢提到李亞鵬一家每年支出達二千萬人仔,不禁令人嘆一句:王菲點頂?

comments