【王菲離婚】攞景定贈慶? 菲鵬「合體」 賀老友結婚19周年

【王菲離婚】攞景定贈慶? 菲鵬「合體」 賀老友結婚19周年

By:

星期六, 九月 21st, 2013

王菲同李亞鵬喺離婚熱話已經談論咗幾日,雙方都喺微博表示關係良好,李亞鵬更同阿菲講「永遠愛你」0添。就算鬧得幾唔愉快,人前一樣落落大方。

噚日中秋節,阿菲同李亞鵬,就帶埋囡囡李嫣一齊去食離婚後第一個中秋節飯。阿菲一身紅色嘅打扮,當日佢同李亞鵬簽紙離婚,都係穿全身紅,未知是否巧合喇。

噚晚阿菲現身嗰陣,一臉落寞,神情呆滯,更掩不住疲態,手袋拉鏈都未拉好,唔知係習慣大意定係失魂呢?

反而李亞鵬呢,表情好似有少少唔耐煩,同之前sweet sweet樣唔同晒,佢仲不時玩下電話。入餐廳嗰陣,阿菲面黑黑咁同李嫣入去先,李亞鵬殿後,雙方零交流。

原來噚晚李亞鵬同阿菲除咗陪李嫣食飯之外,亦係陪好友兩公婆慶祝結婚十九周年記念日。仲記唔記得李亞鵬早前傳出嘅其中一個緋聞女友係花店老闆娘呢?盛傳就係同嫣然天使基金合作嘅Rose Only老闆娘,但阿菲已發微博否認兩人婚姻存在第三者,噚晚兩人仲幫襯該花店買咗紮「嫣之花」,送畀朋友賀結婚19周年。

估唔到阿菲啱啱離婚,就撞正好朋友慶祝結婚紀念日,認真「贈慶」,阿菲仲同好朋友一齊影相,相入面阿菲面帶微笑,但就未見有佢同李亞鵬嘅合照。

至於阿菲好友趙薇,今日亦分別同老公黃有龍晒幸福,上載與女兒小四月到海洋公園餵海豚嘅相,網民大讚幸福。阿菲兩遇婚姻失敗,都希望好姊妹找到幸福的。

comments