【王菲離婚】係咪出軌? 李亞鵬笑晒:「說兩句甚麼呀?」

【王菲離婚】係咪出軌? 李亞鵬笑晒:「說兩句甚麼呀?」

By:

星期一, 九月 16th, 2013

噚晚李亞鵬由烏魯木齊返抵北京,因為之前王菲返京時,由T2 VIP出口離開,而一眾傳媒就留守T1,撲個空。亦因為咁,先至發生後來驚險追車欄截硬影事件。汲取過呢次經驗,故噚晚大家等候李亞鵬時,都揀咗一樓到達廳VIP出口蹲守。點知今次李亞鵬揀行二樓出境嗰個出口走 ,仲夾埋經理人馬葭出動三架車轉移視線,但一樣俾神通廣大嘅傳媒搵到。

因為李亞鵬步出機場時,有關於佢喺離婚第一晚同第二晚就相約友人及「囡囡」們唱KTV哀悼一段婚姻死亡嘅圖文已於網上瘋傳,黑面戴超嘅李亞鵬被追問時最初係一言不發,但記者仍鍥而不捨,最後李亞鵬只係連講「謝謝」。記者再追問其出軌導致婚變之傳聞,李亞鵬微笑回應:「呵,說兩句甚麼呀?」之後就上馬葭架車,返回佢同王菲前愛巢晴翠園,而王菲已在此前搬離該地。

comments