【梅艷芳遺物拍賣】總成交價531萬 志偉認出手:「獎座係藝人嘅尊嚴」

【梅艷芳遺物拍賣】總成交價531萬 志偉認出手:「獎座係藝人嘅尊嚴」

By:

星期日, 十月 13th, 2013

對於阿梅歌迷會會長蘇小姐今日於拍賣會上,承認曾志偉確有聯絡歌迷會,要求歌迷幫手舉手,競投阿梅的獎座及金/白金唱片。最後他們成功以101萬投得阿梅67座獎座,可惜金唱片及白金唱片就被人以60萬高價投得。

其實之前亦有報道指志偉會「出手」,身在外地的他,今日在電話中承認,曾著阿梅的歌迷會出手競投:「報道出街之後,好多人搵我,包括fans同阿梅老友好似張學友、苗僑偉、蘇永康同啲徒弟。我就同歌迷會聯絡,fans想拍賣停止,但呢個係法律程序,冇法子。我同歌迷會商量過,最重要係啲獎座同金唱片,因為係藝人嘅尊嚴,唔可以流出去,所以我哋以歌迷會名義去投,完成fans心願。」至於67個獎座待稍後開會才決定如何處理。

以60萬投得11張金和白金唱片的男士離開時拍賣場時表示:「我係fans,但唔係歌迷會成員,如果考慮捐出嚟,我都係見歌迷會唔bid我先bid。」吳伯伯則投得木枱,他坦言亦不想阿梅遺物四散才出力競投:「梅艷芳係天皇巨星,留少少嘢喺屋企做紀念。」

截至晚上8時55分,拍賣活動結束,由下午1時至今,共拍賣了401件阿梅遺物,成交率達99.5%。405件拍賣品中,有4件無人出價。總成交價$5,310,100。

comments