【李純恩轟填詞人】李克勤反駁: 「不清楚,不明白,就請不要寫」

【李純恩轟填詞人】李克勤反駁: 「不清楚,不明白,就請不要寫」

By:

星期二, 九月 17th, 2013

專欄作家李純恩喺微博貼咗篇撰文,內容講到香港歌壇已死,而已死原因係因為歌詞已死,感動唔到人,首歌自然就會死,佢仲彈現時喺歌壇謀生嘅人,好似變咗文盲唔識字咁,啲歌詞全屬生硬堆砌,上文下理都唔通順。

而李純恩呢篇專欄喺網上瘋傳,引嚟唔少圈中人及網民爭論,辣着唔少火頭,有人認同李純恩,好似:「歌詞來來去去都係情情愛愛生生死死。」﹑「李純恩只係講事實。」等等,當然亦有人洗版式駁斥佢。

而填詞人黃偉文(Wyman)睇完篇專欄,就有感而發話:「公道自在人心」,佢又話:「到底是我在呃版税瞎填一通,還是他在騙稿費胡言亂吠,就交給大家評價了。」而李純恩同Wyman喺微博「互動」,而音樂人金培達力撐Wyman,暗寸有人審美角度停滯不前。

而間中亦參與填詞工作嘅李克勤,亦對李純恩發呢條微博感到失望,克勤話:「不清楚,不明白,就請不要寫,對這篇微博,很失望﹗」

而何韻詩亦有感而發:「問一句,我的廣東歌有感動過你們嗎?能觸動人心的就是好歌詞,為什麼總是要用年代來劃分好壞呢?」

至於已離開商台嘅雲海,亦喺微博發功寸爆李純恩,佢話:「一個八十年代來港的老前輩,不知聽過幾多首廣東歌呢?﹗只知道他自己至今連廣東話都未完全識,滿口上海音﹗真想知道他下半生,買過幾多隻香港碟呢?﹗而我對幾代之香港塡詞人致敬,好過有些人的鱔稿! 」

comments