【星夢總決賽】 羅鈞滿承認 張文采今日現身安慰

【星夢總決賽】 羅鈞滿承認 張文采今日現身安慰

By:

星期一, 十月 14th, 2013

羅鈞滿今晚喺《星夢》同表演嘉賓譚詠麟、李克勤以及幾個《星夢》同學仔一齊jam歌。一講到女友張文采喺微博留言、話男友不會寂寞,羅鈞滿笑道:「係咩?」記者笑佢唔好詐儍喎,羅鈞滿即補充:「親眼睇就未睇,但係今日有記者問我,但我都係未睇,因為今朝舞台劇先至演完。」咁張文采點樣安撫你?佢話:「佢今朝有嚟睇我舞台劇,大家有講幾句嘅。」

對於有網民話,羅鈞滿喺出局之後唱《寂寞的男人》,好聽過參賽嘅《木紋》,大家都話佢揀錯歌。對此羅鈞滿表示:「每一集我都想畀觀眾新鮮感,噚日都係想試吓挑戰。」但會否覺得明明坐定粒六、點知依家出局好慘?羅鈞滿表示:「每集我都抱住會走嘅心態,我係比較飄忽少少,我揀嘅歌又未必咁啱自己。我嘅分數係比較飄忽少少。有時我揀嘅歌未必揀啱評判心水,有啲我想唱,但又未必啱自己,我都係想畀觀眾新鮮感。」

但依家始終都係輸咗,冇辦法,惟有歎一句成王敗寇:「佢哋噚日四個(四強)都好好。」不過佢自己都話,喺尾嗰個幾集應該揀啲安全啲嘅歌,但今晚我就揀隻好安全嘅歌,就係《真情流露》,由以前玩比賽必參加。」可惜0依家改咗歌,冇得唱。羅鈞滿笑道可能遲下可以上去「踢館」時再唱喎。

comments