【星夢總決賽】 冠軍鄭俊弘得16萬票稱王 喊爆

【星夢總決賽】 冠軍鄭俊弘得16萬票稱王 喊爆

By:

星期一, 十月 14th, 2013


根據點票結果,今晚總共有237930票,殿軍姚兵得票14634,季軍陳明恩得票20114,亞軍鄭世豪得42136票,雙料冠軍鄭俊弘得161046票。

因為鄭俊弘同鄭世豪兩位好朋友唔止都係唱得之人,個名仲好鬼似,難怪兩位司儀:嘟嘟同崔建邦分別請兩人講得獎感受時,都唔小心將 兩個名打亂咗,變成「鄭世豪」,可見大家今晚都好緊張。

鄭俊弘毫無懸念下摘冠,獲金獎座同鑽石金咪,總額達60萬。阿倫喺佢講得獎感受前,先寄語一番:「你由一個好普通簡單嘅歌手,今日變成一個唔簡單唔普通嘅歌手。希望你以後踏踏實實唱好你嘅歌,做一個簡簡單單嘅人。」此時鄭俊弘已淚流滿面。

鄭俊弘哭道:「呢個夢想,我放棄咗好耐喇。」之後逐一感謝家人,及他的音樂啟蒙老師——舅父。又感謝教佢打功夫嘅師傅師母,教識佢功夫之餘仲學識堅持。講到最後,Fred終於感謝師傅巫啟賢:「最後好多謝師傅,呢幾個月教咗我咁多嘢,好多謝你!」此時Fred已經爆喊了。

Fred的母親就話:「我好開心,好感動,好多謝大家支持我個仔,我好以我個仔為榮,以你為傲,I love you!」

comments