【星夢傳奇】鄭俊弘靚媽咪親到場打氣 重奪高分

【星夢傳奇】鄭俊弘靚媽咪親到場打氣 重奪高分

By:

星期一, 九月 30th, 2013

《星夢傳奇》雖然愈來愈悶,不過無綫仍然會搞下啲花臣,等佢繼續有少少話題性。

今集《星夢》「高分王」鄭俊弘就再次拎上結他上場,唱出Beatles嘅《Come Together》,話晒鄭俊弘一直夾開band,唔係臨時拉伕先去學,所以同一班band友默契十足,而且亦唱出自己風格,所以評判俾好高分。葉倩文俾咗93分,肥媽俾咗90分,而Eric Kwok就俾咗80分,總分得分係180.9分,亦係今集之冠。

不過全場焦點其實係鄭俊弘媽咪特登由加拿大飛返嚟支持個仔,鄭媽媽睇落好後生,似鄭俊弘家姐多過佢媽咪,佢仲拍咗條片支持個仔,內容當然好催淚啦,鄭媽媽一路講一路喊話:「「見你有小小成就,我都好開心,有時你打電話話比我知晚晚食即食麵,搞到我都好自責,點解唔可以係你身邊支持你照顧你。」搞到鄭俊弘喺台上都忍唔住喊。

最後一part趙希洛揀咗歌舞劇《Chicago》嘅《All that jazz》嚟唱,不過佢表現拘謹,成首歌表現一啲都唔性感,所以得分唔高。

comments