【擁五千萬仲嗌窮?】 韓紅自爆身家唔過5,000萬:「我確實缺錢。」

【擁五千萬仲嗌窮?】 韓紅自爆身家唔過5,000萬:「我確實缺錢。」

By:

星期六, 九月 21st, 2013

內地歌手韓紅今年7至8月三次涉嫌違反交通規則,搞到內地網民係咁聲討佢。韓紅佢似乎唔係好甘心,因為佢之前經常做善事,覺得自己只係「出咗事」啲網民就係咁話佢,佢受訪時話:「確實傷了。同樣是一撥人,之前因為做公益、做好事幫了他們,他們會誇你。但就因為出了這個事,他們扭頭就罵你,罵得極難聽。他們甚至直接說『你就該死』、『你就該進監獄』、『滾出軍隊』。」

無可否認的而且確真係會有人係咁,但韓紅自己都要搞清楚,功過是不能相抵,唔可以因為你做過善事,就抵銷你觸犯法例嘅過失,更不能借此作脫口避過刑罰。

韓紅又講到朋友笑佢係四合一,「名人、富人、軍人、藝人」集於一身,但佢自己就自爆身家唔過五千萬人仔:「但實際我還真不算有錢人」,仲話「缺錢」:「實話實說,我個人總資產不到5,000萬,這是全部啊,房子、車子、現金全算進去啊。做公益,每年我們都會有像百人援疆這樣的一個大項目,還會有2、3個小項目,我大半年的時間都會擱在這裏面。」所以佢話自己一年裡面可以搵錢嘅時間其實唔多。

韓紅現任空軍政治部文工團副團長,嚴格而言都係軍人,所以搵錢方式都有嚴格規定,商業演出唔做得,電視台選秀騷唔做得,依家呢個《中國夢之聲》是例外,韓紅自言呢個軍人身份將其搵錢之途全部堵住,更不禁謂:「我一不拍戲二不拍廣告,很少去做商演,再不讓我做節目,我還怎麼掙錢?一年到頭,還有組織上的工作、活動,我自己掙錢的時間真的不多,我確實缺錢。但我也會謀求協調和轉變,用我自己的方式,可能回去會先去找領導好好聊聊再看。」

comments