【掩耳盜鈴】《巨輪》講八九民運 內地直播即河蟹

【掩耳盜鈴】《巨輪》講八九民運 內地直播即河蟹

By:

星期三, 九月 25th, 2013

今集《巨輪》,勾起了無數香港人回憶。這一幕,就是1989年5、6月之交,香港市民聲援天安門學生民主運動,先後發起兩次大遊行,其中一次,更是下著傾盆大雨……學民思潮召集人黃之鋒都有睇,並寫道:「巨輪: 香港市民關懷國情,1989年5月先後兩次大遊行,成為開埠以來最大型的遊行。」

如果大家還記得,無綫已北望神州,放眼中國大地億億聲點擊率,早前已經同內地兩大網絡視頻大戶——優酷土豆集團,簽訂「戰略合作協議」,由4月1日起,優酷土豆獲得TVB製作嘅所有新舊劇目同綜藝節目嘅獨家新媒體版權,超過4.4億用戶「受惠」,而且,係同步播出。換言之,呢一刻香港觀眾睇緊《巨輪》播出香港市民聲援愛國民主運動;內地嘅土豆同優酷,係咪都播緊呢?

答案係,錯。有人會問。方才呢一幕,喺內地版本,係河蟹咗,去咗廣告。當時情節係畫外音vo讀歷史,講番1989年這個夏天,旁白,係咁寫嘅:「香港市民關懷國情,喺1989年5月21日及28日,香港近百萬市民,先舉行大遊行,成為開埠以嚟最……」接下一句已係講基本法幾時通過,劈頭第一句就係:「為咗香港繁榮穩定…」

亦有內地網民話,唔止「河蟹」咗一場,而係兩場。當劇情講到澳門大赦,由內地偷渡到澳門嘅愈都可以拎到暫時居留權,不過小朋友就算拎到居留權都好,都唔可以享受澳門免費教育。跟住,畫面就和諧了……

有勇敢的內地網民,睇完河蟹版《巨輪》,忍不住即於微博開火:「《巨輪》今晚被和諧了兩次,每次都是出現在歷史回顧片段播出到1988年之後和諧掉的,知道中國真正歷史的人都知道,和諧咗啲咩,期望優酷土豆的管理員漏掉這兩個片段,麻痹大意掉這部微不足道的港劇,讓更多大陸人間接瞭解那段它們非常不想我們知道的屠殺史實!」實在勇氣可嘉!

不少網民亦紛紛留言,炮轟土豆同優酷此舉等同自欺欺人:「今晚巨輪播著播著就被和諧了!!!澳門大赦都和諧!!!電視劇嚟咋哦!」、「有關部門政治神經太過敏感。」、「無法無天!」、「幼稚園的小朋友神經真是脆弱! 以為遮住自己雙眼,就可以你睇我唔到,你睇我唔到!現在甚麼年代了?你換了馬甲我就不知道你是王八了?」有網民提到土豆優酷河蟹的是89年遊行,即有疑似內地90後問:「點解示威?係咩大事件?」似乎,內地的「教育」,幾成功。

亦有內地網民提出:「之前新聞啊,新聞透視,頭條新聞我都理解,0依家電視劇啫……」但亦有人話,內地風雲直播睇到。

香港人覺得跟自己無關嗎?

試想像一下,如果無綫不拍這些「敏感」、「講真話」情節,不去搗破現實真相,不談六四,不講限奶令,不講貪官城管……咁,土豆同優酷,就唔使搵廣告去冚呢啲片,慳水慳力得多。相反,如果無綫係咁講係咁拍呢啲「敏感詞」,咁土豆優酷又會否詐型呢?一定會。

如果你係無綫,面對4.4億用戶呢個龐大市場,會如何選擇?

comments