【慎入﹗】 彭家麗同「走音主席」合唱歌 [去片]

【慎入﹗】 彭家麗同「走音主席」合唱歌 [去片]

By:

星期一, 九月 16th, 2013

唔知大家仲記唔記得蘇永康同彭家麗合唱《從不喜歡孤單一個》呢?呢首經典合唱金曲近日又喺網上瘋傳喇,不過彭家麗同蘇永康合唱version,而係由彭家麗同一位四眼朱姓主席,喺八月出席灣仔修頓球場舉行嘅活動上合唱版本,真係唔click由自可,一click就聽到欲罷不能,笑到噴飯﹗

甫開始彭家麗就對朱主席講:「主席,首歌唔易唱﹗」主席就話:「我都係盡力。」彭再說:「不如我哋全場打拍子咯﹗」彭家麗開聲唱時,當然駕輕就熟冇問題啦,點知輪到朱主席唱時,就出晒事咯,完美示範乜嘢係「靚聲王」,佢唱到勁走音兼喪甩beat,最頂癮係佢仍然自我陶醉,樂在其中,沉醉於自己世界入面。音樂間場時,彭家麗問現在人士:「主席唱得好唔好呀?」而主席就話:「獻醜獻醜﹗」

雖然對住一個五音不全嘅人合唱,但唔知係咪彭家麗見慣(或聽慣)呢種場面,居然可以氣定神閒﹑臨危不亂兼忍到笑咁唱落去,相當專業,若然朱主席參加《星夢傳奇》或《中國好聲音》,啲星級評判會點樣比分呢??

唔少網民睇咗條片後,都紛紛留言,以下係部份網民心聲:

「彭家麗簡直係神級!!主席唱到走哂音又甩哂beat,但彭家麗都仲可以唔亂!」

「彭家麗,好專業!Like!!p.s.我笑到死咗」

「獻醜~獻醜~」

「好表達到首歌個精髓」

「那裡來的自信…」

「不能孤單一個人聽…..一班人聽先正」

「支持靚聲王嘅要點樣?」

comments