【少時蒲老蘭…】孝淵夜蒲中環 影埋相

【少時蒲老蘭…】孝淵夜蒲中環 影埋相

By:

星期二, 十一月 12th, 2013

少女時代成員泰妍同允兒夜蒲蘭桂坊「出事」,一個落荒而逃丟低戰友,一個仆咗落垃圾堆。事後負責安排接待少時嘅K先生(權寧一)於微博表明少時當晚一落機就返酒店,冇出過去。而少時亦透過香港個唱主辦單位回應謂,少時抵港後,就返酒店,一直未有外出。

但少時成員孝淵卻於網上貼咗兩張,證明佢曾於中環「到此一遊」嘅相。一張係俾一個食緊煙嘅男人搭膊影相,另一張係攝於雲咸街。

放相日期係11月9號。少時抵港係11月8日晚上11點幾,夜蒲時間係11月9日凌晨12點,齊齊拉隊到近日藝人新蒲點Show Club。睇番孝淵張相,當時街上唔太多人,應已是夜蒲時段,咁10號晚少時一完騷即搭機返韓,照計冇時間可以夜蒲中環。

如果張相唔係11月9號影嘅,都有可能係上次少時來港嗰陣影低,咁啱依家先擺上網啩。

comments