【天兔襲港】 藝人衝入機場急住飛 星光熠熠

【天兔襲港】 藝人衝入機場急住飛 星光熠熠

By:

星期日, 九月 22nd, 2013

超級颱風「天兔」襲港,事先張揚今日傍晚六點,所有航班就會停飛,所以唔少人聚集機場,希望博到後補機位快啲「逃出香港」,眾藝人亦趁機場仲有航班,紛紛離港工作。鍾楚紅(紅姑)今早10時15分,戴上墨鏡素顏到機場,當佢發現有記者時,即急步入閘,但仍保持微笑。

45分鐘後,紅姑好友劉德華由廿多名歌迷「保護」下到機場,佢話要到北京做嘢,問佢可擔心颱風影響行程時,華仔只是笑而不語,但亦不忘提醒歌迷要小心,唔好影響遊客;入閘時,華仔亦遵照海關人員指示,除低太陽眼鏡。

11時40分,導演黃百鳴亦抵達機場,表示要去馬來西亞拍攝賀歲片。至下午2時許,孫耀威(Eric)與女友陳美詩(Macy)雙雙現身機場,雖然二人拍拖已有一段時間,但Macy見到記者依然有點避忌,Eric說:「打風都要到台灣工作呢!」此外,賭王四太梁安琪亦偕猷亨現身機場,準備離港。

comments