【噴血人妻系列】長腳蟹夾胸晒蟹 老公嫌條腰唔夠幼

【噴血人妻系列】長腳蟹夾胸晒蟹 老公嫌條腰唔夠幼

By:

星期六, 十月 19th, 2013

呂慧儀同朱璇今日到鑽石山出席《秋日蟹節》開幕禮,呂慧儀身邊火紅色連身短裙騷長腿,又谷胸大騷事業線,即令身邊嘅朱璇完全被KO。

大會安排兩人即場煮蟹,長腳蟹呂慧儀不時烏低「煮自己」,色香味俱全。對於搶盡風頭,長腳蟹話:「我怕俾啲大閘蟹搶我鏡,咪著得性感啲,只要有一個好嘅bra,就可以有咁效果。」

長腳蟹表示近日修身成功,幸好上圍無跌反升,問佢老公係咪最大得益者?佢話:「冇呀,佢依家話好煩,叫我接多啲工作,我覺得男人比較鍾意女人腰幼。」

至於慘被搶鏡嘅朱璇坦言出席主要目的係「護蟹」,佢話:「佢係性感靚女,我唔覺俾佢搶鏡,我覺得最緊要係揀啱自己嘅裙,如果我咁性感,我驚搵唔到男朋友。」


comments