【劉錫賢結婚】 51歲肥仔賢揀颱風日結婚 打風唔甩!

【劉錫賢結婚】 51歲肥仔賢揀颱風日結婚 打風唔甩!

By:

星期日, 九月 22nd, 2013

「天兔」來犯,51歲嘅劉錫賢,一早揀咗呢一個吉日,同37歲女友陳麗娜共偕連理,於灣仔W Square舉行酒會,真真正正係打風都打唔甩喇!

新娘子係圈外人,來自珠海,喺澳門工作。一對新人今午喺灣仔舉行酒會,切蛋糕飲香檳,一眾亞視好友、幕前幕後,包括馮雪冰、林紫君、張家瑩同六合彩之子蔡國威等齊來到賀,至於兄弟就有馮家俊、甄思羽、顧冠忠、蔡國威同梁浩楷,熱鬧過台慶喎!

一對新人身穿鮮紅禮服,肥仔賢套火紅西裝,同新娘子嘅紅tube dress襯絕,肥仔賢親吻老婆嘴仔同面珠仔,全程任影。但劉太始終唔係圈中人,難免有啲「生硬」,但就非常感動。現場眾人起哄叫勆佢哋咀嘴,結果連咀三次。好事成三,恭喜恭喜!

comments