「奀妹」傅天穎 疑與男友公園「打野戰」被起訴

「奀妹」傅天穎 疑與男友公園「打野戰」被起訴

By:

星期三, 十月 2nd, 2013


曾經嚟過香港發展嘅藝人「奀妹」傅天穎,之前同前夫陳子強離婚搞到滿城風雨。

傅天穎回復單身之後,今年7月1號凌晨,喺台灣俾人目擊同緋聞男友全權,喺新北市四號公園公然做愛,被放狗嘅市民發現後,全權怒罵「看小三」,傅天穎就大叫:「不要強姦我。」之後該市民去報案,當警察到場,全權仲以「智障啊﹗小警察了不起﹗」等說話辱罵警察。

今日有報道話新北地檢署調查之後,認定兩人有發生關係,今日以「公然猥褻罪嫌」將兩人起訴;全權另外以「妨害公務罪嫌」被起訴。

全權就表示有同傅天穎摟抱親吻及磨蹭,但否認有性行為,傅天穎亦強調冇性行為亦冇除衫,只係飲醉咗,但新北地檢署基於張姓市民作證,目睹兩人下半身都冇著,兼且有所「行動」;其中一位警員又指傅天穎上衣掀起,下半身僅剩內褲;另一名警員就話傅天穎內外褲都冇著好。

檢方因此依公然猥褻、妨害公務罪起訴兩人。

comments