「外星人」Cool魔又搭地鐵 張智霖:因為搭地鐵仲快

「外星人」Cool魔又搭地鐵 張智霖:因為搭地鐵仲快

By:

星期四, 九月 19th, 2013

若然大家想遇見偶像藝人,除咗去中環或銅鑼灣等旺區碰運氣外,其實搭港鐵都可以0架。周潤發﹑英國樂隊Blur都曾經搭過港鐵,而被乘客認出,仲影埋相貼喺網上瘋傳。

至於Cool魔張智霖(Chilam)近日搭港鐵時,都畀搭客發現,兼且影埋Chilam相仲放上微博瘋傳,Chilam噚日就搞笑回應:「外星人被發現了。」

唔知係咪搭港鐵搭上癮,今日外星人Chilam又有一張搭港鐵照,喺網上瘋傳,相中Chilam戴住副黑超,滿面鬚根喺港鐵自拍,仲話:「某人喜歡搭地鐵,因為…搭地鐵,仲快。」估唔到Chilam咁鍾意搭港鐵喎,有粉絲就搞笑話:「因為想撞見你,我會多啲坐地鐵就可以見多你幾面。」

comments