《May姐》收視暴跌

《May姐》收視暴跌

By:

星期二, 十月 1st, 2013

今日無綫公佈最新收視,前周因為颱風「天兔」來犯,令到《May姐有請》平均收視由21點(約135萬人次)升至32點(約205萬人次收看),但上周風平浪靜,故此《May姐》平均收視又去番只有21點。其實都唔係大跌,只係回落番之前正常收視啫。

但係《May姐有請》0依個節目收視好唔好都唔係重點,重點係《May姐有請》出咗街咁耐,一直都畀網民取笑——笑May姐嘅笑聲,每集都不停蝦蝦蝦蝦蝦蝦蝦蝦蝦蝦蝦蝦蝦哈哈哈哈哈哈哈哈哈哈哈哈哈哈哈哈哈哈哈哈,好多網民大嘆,因為May姐嘅笑聲,令佢哋冇辦法頂得順、完整咁睇晒一集《May姐有請》;更有網民將May姐嘅笑剪輯成惡搞短片,甚至近日網絡爆紅MV《The Fox》都畀網民改成《May姐係點叫》。

除咗May姐嘅笑聲之外,另一個網民取笑點係三位主持人嘅對話內容非常冇深度。當中例如有「食雞有雞味」、「食豬有雞味」、「食牛有雞味」,仲有食咩都要加啲雞汁等等,難怪網民話「每個星期同一個時間,同樣人物,同樣對白。」

眾主持當中,沈大師沈卓盈最受注目。因為沈卓盈佢無論食啲咩都會加一句「好似薯片咁」又話可以當薯片咁食。就係因為,沈卓盈嘅花名由「沈大師」變咗做「薯片盈」。

《May姐有請》0依個節目播到下個月27號就會播完,唔知到時冇得聽May姐嘅笑聲同薯片盈食咩都變薯片,大家會唔會有少少寂寞呢?

comments